Chal ek baar mujhe sab kuchh bhulaa de

Fir ek baar mere paas aake,
zulfoke pichhe se fir muskuraa ke
Dekhe the kabhi wo khwaab jagaa ke
Fir ek baar mujhe khul ke hasaa de
Jaise kiya tha kabhi tune waise,
Chal ek baar mujhe sab kuchh bhulaa de

Waqt ka dariya kabhi thamaa hi nahi hai,
Tu bah gayaa hum abhibhi yahi hai.
Lahro ne kaafi koshishe kari par,
Meri kashti aaj bhi wahi hai.
Mood ke to aaja ek baar ae zaalim,
Mujh ko bhi apne sang thoda bahaa de..
----Jaise kiya tha kabhi tune waise,
----Chal ek baar mujhe sab kuchh bhulaa de

Mere paas teri kuchh tasweere padi hai,
Kitnaa chaaha par naa mitne pe adii hai.
Tujhe bhool jaau kai baar sochaa,
Par kambakht dil ki zid bhi badi hai
Dekh le ho sake to ek baar,
fir se thodi nayi tasweere banaa de...
----Jaise kiya tha kabhi tune waise,
----Chal ek baar mujhe sab kuchh bhulaa de

Har roj mai kai baar tutatti hu,
khudaa se ddhero sawaal puchhti hu.
Tere har lafz ko baar baar yaad kar ke,
Tujhse bane un zakhmo ko kuredti hu.
Ek baar chhu le na mujhe fir se tu,
Chaahe to fir naye zakhm banaa de...
----Jaise kiya tha kabhi tune waise,
----Chal ek baar mujhe sab kuchh bhulaa de